Бугун,

  • USD 11095.31
  • RUB 173.84
  • EUR 10772.44

Бўка туманида «Соғлом ҳаётга қадам ташла» акцияси доирасида «Саломатлик куни» оммавий тадбирлари ўтказилди. Бу ҳақда «Дарё»га Соғлиқни сақлаш вазирлиги матбуот хизмати маълум қилди.

Фото: Соғлиқни сақлаш вазирлиги матбуот хизмати

Фото: Соғлиқни сақлаш вазирлиги матбуот хизмати

Тумандаги Бўстон қишлоғида эрталабки бадантарбия ўтказилиб, унда ва ҳудудга яқин қишлоқлар аҳолиси томонидан стадионда машқлар бажарилди, қишлоққа кириш йўлаги бўйлаб 5 километр масофага фаол юриш тадбири бўлиб ўтди.

Фото: Соғлиқни сақлаш вазирлиги матбуот хизмати

Фото: Соғлиқни сақлаш вазирлиги матбуот хизмати

Шунингдек, тумандаги 7-оилавий поликлиника олдида «Саломатлик майдончаси» ва «Соғлом овқатланиш ярмаркаси» ташкил қилинди. Юқумли бўлмаган касалликлар профилактикаси, соғлом овқатланиш ва жисмоний фаолликни аҳамияти хақида маълумотлар берилди. Ушбу тадбирлар ўзига ҳос сайлга айланиб кетди.

Фото: Соғлиқни сақлаш вазирлиги матбуот хизмати

Фото: Соғлиқни сақлаш вазирлиги матбуот хизмати

Бундан ташқари, туман марказий стадионида Соғлиқни сақлаш вазирлиги ва туман ташкилотлари ходимлари, спорт мактаблари, коллеж ўқувчилари ва аҳоли иштирокида гимнастика машқлари бажарилиб, бу ерда ҳам 5 километрга фаол юриш амалга оширилди. Ушбу стадион ёнида жойлашган эко-паркда катталар ва болалар томонидан велосайр, спорт ҳамда мусиқа мактаблари ўқувчиларининг бадиий чиқишлари йиғилганларда катта таассурот қолдирди.

Фото: Соғлиқни сақлаш вазирлиги матбуот хизмати

Фото: Соғлиқни сақлаш вазирлиги матбуот хизмати

Эътиборли жиҳати, туманда жойлашган 15-меҳрибонлик уйининг 127 нафар тарбияланувчиси ҳам гимнастика машқларини бажарди. Тарбияланувчиларнинг кўргазмали чиқишлари, «Соғлом овқатланиш ярмаркаси», «Биз тамакисиз ҳаёт учун овоз берамиз» тадбирлари ташкил этилди. Туман маданият бўлимининг хайрия концерти ҳамда ҳомийлар томонидан эсдалик совғаларининг улашилиши уларнинг қувончига сабаб бўлди.

«Соғлом ҳаётга қадам ташла» акцияси доирасидаги оммавий тадбирлар мамлакат бўйлаб барча ҳудудларда аҳолининг фаол иштироки таъминланган ҳолда кўтаринки кайфиятда ташкил этилди.

Изоҳ
Асосий янгиликлар
Маҳаллий
«Электр таъминотидаги узилишларга кўп дуч келдим» — Ўзбекистонга кўчиб ўтган IT-мутахассис таассуротлари
Дунё
«Сирли одам» — Мурали Лал Жаланнинг Minerva City бўйича интервьюси баҳсларга сабаб бўлмоқда. Лал Жалан аслида ким?
Спорт
Бобур Абдухолиқов Беларусда мавсумнинг энг яхши тўпурари ва энг яхши футболчиси совринига эга чиқди