«Менинг фикрим» порталига қайси ОТМларни ташкил этиш ҳақидаги мурожаатлар жойланган?

Айни вақтда «Менинг фикрим» веб-порталига турли олий таълим муассасалари (филиали)ни ташкил этиш ҳақидаги  қуйидаги электрон жамоавий мурожаатлар овоз бериш учун жойлаштирилган:

1. Бекобод шаҳрида Ислом Каримов номидаги Тошкент давлат техника университети ёки Низомий номидаги Тошкент давлат педагогика университетининг филиалини ташкил қилиш ҳақида;

Овозлар сони — 507. Овоз бериш муддати якунланишига қолган кунлар — 47;

2. Тошкент вилояти Нурафшон шаҳрида олий таълим муассасасини ташкил этиш ҳақида;

Овозлар сони — 116. Овоз бериш муддати якунланишига қолган кунлар — 55;

3. Ўзбекистон давлат Санъат академиясини ташкил этиш ҳақида;

Овозлар сони — 105. Овоз бериш муддати якунланишига қолган кунлар — 56;

4. Самарқанд вилояти, Ургут туманида Самарқанд иқтисодиёт ва сервис институтининг филиалини ташкил этиш ҳақида;

Овозлар сони — 111. Овоз бериш муддати якунланишига қолган кунлар — 57;

5. Наманган вилояти Чуст шаҳрида олий таълим муассасаси филиалини очиш ҳақида;

Овозлар сони — 223. Овоз бериш муддати якунланишига қолган кунлар — 62;

6. Қарши шаҳрида Тошкент тўқимачилик ва енгил саноат институтининг Қарши филиалини ташкил этиш ҳақида;

Овозлар сони — 104. Овоз бериш муддати якунланишига қолган кунлар — 84;

7. Андижон вилояти Марҳамат туманида олий таълим муассасаси филиалини ташкил этиш ҳақида;

Овозлар сони — 50.  Овоз бериш муддати якунланишига қолган кунлар — 88.

Мурожаатлар белгиланган 90 кунлик муддатда етарли овоз (10 000) тўпласа, ваколатли давлат органи — Вазирлар Маҳкамаси томонидан тегишли тартибда кўриб чиқилади.

Эслатиб ўтамиз, «Менинг фикрим» порталида овоз тўплаган мурожаатга жавобан, Шаҳрисабзда 2 та ОТМнинг филиали ташкил этилди.