“Mening fikrim” portaliga qaysi OTMlarni tashkil etish haqidagi murojaatlar joylangan?

Ayni vaqtda “Mening fikrim” veb-portaliga turli oliy ta’lim muassasalari (filiali)ni tashkil etish haqidagi  quyidagi elektron jamoaviy murojaatlar ovoz berish uchun joylashtirilgan:

1. Bekobod shahrida Islom Karimov nomidagi Toshkent davlat texnika universiteti yoki Nizomiy nomidagi Toshkent davlat pedagogika universitetining filialini tashkil qilish haqida;

Ovozlar soni — 507. Ovoz berish muddati yakunlanishiga qolgan kunlar — 47;

2. Toshkent viloyati Nurafshon shahrida oliy ta’lim muassasasini tashkil etish haqida;

Ovozlar soni — 116. Ovoz berish muddati yakunlanishiga qolgan kunlar — 55;

3. O‘zbekiston davlat San’at akademiyasini tashkil etish haqida;

Ovozlar soni — 105. Ovoz berish muddati yakunlanishiga qolgan kunlar — 56;

4. Samarqand viloyati, Urgut tumanida Samarqand iqtisodiyot va servis institutining filialini tashkil etish haqida;

Ovozlar soni — 111. Ovoz berish muddati yakunlanishiga qolgan kunlar — 57;

5. Namangan viloyati Chust shahrida oliy ta’lim muassasasi filialini ochish haqida;

Ovozlar soni — 223. Ovoz berish muddati yakunlanishiga qolgan kunlar — 62;

6. Qarshi shahrida Toshkent to‘qimachilik va yengil sanoat institutining Qarshi filialini tashkil etish haqida;

Ovozlar soni — 104. Ovoz berish muddati yakunlanishiga qolgan kunlar — 84;

7. Andijon viloyati Marhamat tumanida oliy ta’lim muassasasi filialini tashkil etish haqida;

Ovozlar soni — 50.  Ovoz berish muddati yakunlanishiga qolgan kunlar — 88.

Murojaatlar belgilangan 90 kunlik muddatda yetarli ovoz (10 000) to‘plasa, vakolatli davlat organi — Vazirlar Mahkamasi tomonidan tegishli tartibda ko‘rib chiqiladi.

Eslatib o‘tamiz, “Mening fikrim” portalida ovoz to‘plagan murojaatga javoban, Shahrisabzda 2 ta OTMning filiali tashkil etildi.