UFC чемпиони Ҳабиб Нурмагомедов Дастин Поре билан кечадиган жанг олдидан бўлиб ўтган матбуот анжуманида Тони Фергюсон ҳамда Жорж Сен-Пьер билан жанг қилишга қарши эмаслигини маълум қилди. Бу ҳақда «Спорт-Экспресс» хабар берди.
«Сен-Пьер? У қайтадими ёки йўқми, билмадим. Лекин бу мен ёзаётган тарихда муҳим воқелик бўлар эди. Мен Дастин, Тони Фергюсон ва Жорж Сен-Пьерни ютишим шарт. Шундагина ҳар қандай вазн тоифасидан қатъи назар биринчи рақамли бўламан,» — деди Ҳабиб.Эслатиб ўтамиз, жорий йилнинг февраль ойида Сен-Пьер фаолиятини тугатганлиги ҳақида маълум қилганди.
Маълумот учун, Ҳабиб Нурмагомедов 7 сентябрь куни Дастин Порега қарши октагонга кўтарилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)