АҚШ ва Россиянинг жангари кемалари тўқнашишига бир баҳя қолди, томонлар бир-бирини айблади (видео)

Россия ҳарбийлари АҚШ крейсерининг ҳаракатланиши Россия кемаси билан тўқнашувга сабаб бўлишига оз қолганини айтди. Бу ҳақда Forum Daily хабар берди.

«Воқеа 7 июнь куни Москва вақти билан соат 6:35 да Шарқий Хитой денгизининг жануби-шарқий қисмида содир бўлган. Россиянинг Тинч океани флоти ва АҚШ денгиз кучлари ҳужум уюштириш гуруҳи кемалар отряди параллел курсда ҳаракатланаётган бўлган», — дейди Россиянинг Тинч океани флоти матбуот хизмати.

Хабарда айтилишича, «Чанселлорсвиль» крейсери бирдан ўз йўналишини ўзгартириб, кемадан 50 метр масофада ҳаракатланаётган «Адмирал Виноградов» кемасининг курсини кесиб ўтган. Рус экипажи фавқулодда тезкор ҳаракат қилган.

«Халқаро тўлқинда Америка кемасининг буйруғи норозиликка сабаб бўлган ва бундай ҳаракатларга йўл қўйилмаслиги кўрсатилган», — дейди Тинч океани флоти матбуот хизмати.

Ўз навбатида, америкаликлар Россия флотини айбдор деб атаган ва уларни «хавфли ва профессионал бўлмаган» ҳаракат қилишда айблаган.

«Филиппин денгизида ҳаракатланган «Удалой» русумли сув ости кемаси «Чанселлорсвиль» крейсерига нисбатан хавфли маневралар қилди», — дейди АҚШнинг Еттинчи флот расмий вакили Клейтон Досс.

https://twitter.com/USNavy/status/1136978500185919488

https://twitter.com/USNavy/status/1136978260770938883