Вьетнамнинг Бинзионг провинциясида жойлашган хусусий ҳайвонот боғларидан бирининг ходими йўлбарсни чўмилтираман деб қўлсиз қолди. Бу ҳақда The Australian ахборот портали маълум қилди.
Жароҳатланган 49 ёшли Во Тан Тхяни ҳамкасблари 4 июнь куни топиб олишган. Эркакнинг ўнг қўли бутунлай тишлаб олинган, чап қўлининг эса билакдан пасти йўқ. Кейинроқ маълум бўлишича, Во Тан йўлбарсни чўмилтиришга уринган.
Эркак зудлик билан маҳаллий шифохонага, уй ердан Хошиминдаги тиббиёт муассасасига олиб борилган.
Тадқиқотчиларнинг айтишича, Вьетнамда ёввойи шароитда яшайдиган йўлбарслар қолмаган, улар махсус фермаларда кўпайтирилмоқда. Уларнинг териси ва тишларидан анъанавий тиббиёт ва заргарликда фойдаланилади.
Вьетнамдаги экологик фаоллар хусусий ҳайвонот боғларининг эгаларини бир неча бор ҳайвонларга нисбатан масъулиятсиз муносабатда бўлаётганликда айблаб, оқибатда ноёб турдаги жонзотлар йўқолиб кетаётганлигини таъкидлаган эди.
Изоҳ (0)