Уммоннинг Mwasalat транспорт компанияси Дубайда компанияга тегишли сайёҳлик автобусининг йўл-транспорт ҳодисасига учраши оқибатида ҳалок бўлганларнинг фуқаролигини маълум қилди. Бу ҳақда «РИА Новости» хабар берди.
Маълум бўлишича, Дубайдаги Шайх Муҳаммад бин Зайд шоссесида аварияга учраган автобусда 31 нафар киши бўлган. Дастлабки маълумотларга кўра, ҳайдовчи адашиб автобусларга тақиқланган ҳудудга чиқиб кетган. Унда транспорт воситалари учун баландлик чекланган бўлган. Оқибатда автобус томи чап томондан бутунлай чиқиб кетган.
Қайд этилишича, ҳодиса оқибатида 11 нафар ҳиндистонлик, икки нафар покистонлик, бир нафар ирландиялик, бир нафар уммонлик фуқаро ҳалок бўлган. Йўловчилар орасида Германия ва Бангладеш фуқаролари ҳам бўлгани айтилмоқда.
Умумий ҳисобда, ЙТҲда 17 киши ҳалок бўлган, уларнинг 15 нафари воқеа жойида, яна икки нафари касалхонада вафот этган. Жабрланганларнинг олти нафарига уйга жавоб берилган.
Изоҳ (0)