Туркманистон президенти Гурбангули Бердимуҳамедов Россия бош вазири Дмитрий Медведевни меҳмонхонадан олиб келиш учун шахсан ўзи борди. «ТАСС» хабар беришича, президент ўзининг ГАЗ-21 Волга машинасида бўлган.
Улар биргаликда Ашхобод бўйлаб кичик автомобиль сафари ўтказган. Шундан сўнг Медведев ва Бердимуҳамедов президент қароргоҳига келган ва у ерда ишчи нонушта ўтказилган.
Россия бош вазири Туркманистонга 30 май куни келган бўлиб, 31 май куни МДҲ ҳукумати раҳбарлари кенгаши мажлиси бўлиб ўтади.
Изоҳ (0)