Rossiya prezidenti Vladimir Putin 40 dan ortiq aeroportga qo‘shimcha nom qo‘yish to‘g‘risidagi qarorga imzo chekdi. Yangi nomlar 2018-yilda o‘tkazilgan “Rossiyaning buyuk nomlari” tanlovi doirasida tanlangan, deb xabar beradi Meduza.
Shunday qilib, Moskvaning “Vnukova” aeroporti aviakonstruktor Andrey Tupolyov, “Domodedova” — Mixail Lomonosov, “Sheremetyevo” — Aleksandr Pushkin sharafiga nomlandi.
Yangi nomlar to‘g‘risidagi prezident qarorida Volgograd va Sankt-Peterburg aeroportlari haqida so‘z bormaydi. Rossiya Jamoatchilik palatasining ma’lum qilishicha, mintaqaviy jamoatchilik palatalari tanlov tashkilotchilariga ushbu shaharlarning ishtirokini “hududlarda jamoatchilik fikrini qutblashtirishdan saqlanish uchun” to‘xtatishni so‘ragan.
Sankt-Peterburg aeroportiga Fyodor Dostoyevskiy, Volgogradga esa uchuvchi Aleksey Maresyevning nomi berilishi rejalashtirilgan edi. Ushbu aeroportlarga nom tanlash uchun tanlovning ikkinchi turini o‘tkazishga ham to‘g‘ri kelgan.
Izoh (0)