Қарийб 22 йил ўтгач, Парижда малика Диана автоҳалокат оқибатида вафот этган жой унинг шарафига қайта номланади, дея хабар беради «Газета.ru».
1997 йил 31 августда малика Диана ҳалок бўлган Алма кўприги ёнидаги кичик майдон яқин орада унинг исмини олади.
Маълумотларга кўра, бу жой расмий равишда янги ном олмаганига қарамасдан, парижликлар ва сайёҳлар узоқ вақтдан буён ушбу фожиани хотирлаб, бу ерга гуллар олиб келишди.
Майдонни қайта номлаш бўйича якуний қарор Париж шаҳар кенгашининг 11 июнь куни бўлиб ўтадиган йиғилишида қабул қилиниши керак.
Изоҳ (0)