WikiLeaks асосчиси Жулиан Ассанж Буюк Британиянинг Белмарш турмасининг касалхона бўлимига ўтказилди. «РИА Новости»нинг хабар беришича, ташкилот унинг соғлиғидан жиддий ташвиш билдирган.
WikiLeaks нинг қайд этишича, Ассанжнинг соғлиғи Эквадор элчихонасида «инсон асосий ҳуқуқларига мос келмайдиган» шароитда 7 йил ўтказганидан сўнг ёмонлашган.
Журналист Пер Самуэльсон адвокатининг сўзларига кўра, ўтган жума кунида Ассанж ўзини ёмон ҳис қилганидан, «у билан тузукроқ суҳбат қуришнинг иложи бўлмаган».
«Белмаршдаги етти ҳафта давомида унинг соғлиғи янада ёмонлашган, у жуда ҳам озиб кетган. Қамоқхона раҳбариятининг уни тиббий бўлимга олиш ҳақида қарори бунинг яққол исботидир», — деб қўшимча қилган ташкилот.
Ассанжни экстрадация қилиш масаласи бўйича суд эшиттируви 30 май куни Лондоннинг Вестминстер округидаги Магистрат судида бўлиб ўтади.
Швецияда жинсий зўравонлик, номусга тегишда айбланган Ассанж Скандинавия мамлакатларига экстрадация қилинишидан қўрқиб, 2012 йилнинг июнь ойидан бери Эквадор элчихонасида яшириниб юрган.
У 2019 йилнинг11 апрелида Швеция ва АҚШ ордерларига кўра қўлга олинган. Лондон суди уни гаров эвазига чиқиш шартини бузганликда айбдор деб топиб, 11 ойга озодликдан маҳрум қилди. Судланувчини АҚШга экстрадация қилиш масаласи бўйича суд эшиттируви 2 май куни бошланган.
Ҳозирда суд АҚШдан судланувчини АҚШга топшириш тўғрисида қарор чиқаришга имкон берувчи тўлиқ ҳужжатлар пакетини кутмоқда.
Изоҳ (0)