Американинг Сан-Диего шаҳридаги Sharp Марй Бирч шифохонаси шифокорлари муддатидан олдин дунёга келган ва дунёдаги энг кам вазнга эга чақалоқ ҳисобланаётган қизчага уйга рухсат берди, деб хабар берди «Вести.ru».
Қизча туғилган пайтида унинг вазни 245 граммга тенг эди. У кўринишидан каттароқ олмани эслатарди.
Аёва университетининг маълумотига кўра, ушбу чақалоқ дунёдаги энг митти чақалоқ дея эътироф этилди.
Қизча 2018 йилнинг 31 декабрида ҳомиладорликнинг 23-ҳафтасида туғилган. Шифокорлар бола вазн йиғмайотгани ҳамда бу она ҳаётига хавф солаётганини аниқлади. Шу сабабли муддатидан олдин туғруқ ҳақида қарор қабул қилинди.
Қизча беш ой мобайнида назорат остида бўлди, ҳозирда унинг аҳволи яхши эканлиги айтилмоқда.
Изоҳ (0)