1 июнь - шанба куни, Ўзбекистондаги барча ходимлар учун иш куни бўлади, деб ёзади ҳуқуқшунос ва блогер Хушнудбек Худойбердиев.
Ўзи бу кунда ҳафтасига 6 кун ишловчи ходимлар шундоқ ҳам ишга чиқар эди. Лекин 5 кунликлар дам оларди. Аммо 2018 йил 12 ноябрь куни Президент фармони асосида 1 июндаги дам олиш куни 6 июнга кўчирилган.
Бунинг натижасида ҳафтасига 5 кун ишловчилар учун:
- 1 июнь, шанба - иш куни;
- 6 июнь, пайшанба - дам олиш куни бўлади.
«Ҳали аниқ бўлгани йўғу, лекин мабодо 5 июнь, чоршанба - Рамазон Ҳайитининг биринчи куни сифатида эълон қилинса, унда 5 кунлик иш ҳафтасида ишловчилар 2 кун кетма-кет дам олади. 6 кунликлар эса фақат Ҳайитнинг биринчи куни дам олишади, улар учун ҳар қанақасига ҳам 2 кун кетма-кет дам олиш куни бўлмайди», — деб ёзади Хушнудбек Худойбердиев.
Изоҳ (0)