Аввал хабар қилинганидек, Германия президенти Франк-Вальтер Штайнмайер 27—29 май кунлари расмий ташриф билан Ўзбекистонда бўлди.
Ташриф асносида анъанавий дўстлик, очиқлик ва ўзаро англашув руҳида олий даражадаги музокаралар ўтказилди. Германия президенти ушбу мамлакатнинг Ўзбекистонда фаолият юритаётган ташкилотлари вакиллари билан учрашди, ишбилармон доираларнинг давра суҳбати ҳамда Гёте ҳайкали ва боғининг очилиш маросимида қатнашди, саноат корхоналари билан танишди.
Франк-Вальтер Штайнмайер Хоразм вилоятида ҳам бўлиб, Урганч давлат университети профессор-ўқитувчилари ва талабалари билан суҳбатлашди, Хива шаҳридаги тарихий обидаларни томоша қилди.
Шу билан Германия президентининг Ўзбекистонга ташрифи якунланди. Франк-Вальтер Штайнмайер Хоразмдан Германияга жўнаб кетди.
Изоҳ (0)