1-iyun - shanba kuni, O‘zbekistondagi barcha xodimlar uchun ish kuni bo‘ladi, deb yozadi huquqshunos va bloger Xushnudbek Xudoyberdiyev.
O‘zi bu kunda haftasiga 6 kun ishlovchi xodimlar shundoq ham ishga chiqar edi. Lekin 5 kunliklar dam olardi. Ammo 2018-yil 12-noyabr kuni Prezident farmoni asosida 1-iyundagi dam olish kuni 6-iyunga ko‘chirilgan.
Buning natijasida haftasiga 5 kun ishlovchilar uchun:
- 1-iyun, shanba - ish kuni;
- 6-iyun, payshanba - dam olish kuni bo‘ladi.
“Hali aniq bo‘lgani yo‘g‘u, lekin mabodo 5-iyun, chorshanba - Ramazon Hayitining birinchi kuni sifatida e’lon qilinsa, unda 5 kunlik ish haftasida ishlovchilar 2 kun ketma-ket dam oladi. 6 kunliklar esa faqat Hayitning birinchi kuni dam olishadi, ular uchun har qanaqasiga ham 2 kun ketma-ket dam olish kuni bo‘lmaydi”, — deb yozadi Xushnudbek Xudoyberdiyev.
Izoh (0)