Ҳиндистонлик эркак 20 йил давомида операциядан бош тортиб, бош мия ўсимтаси катталашиб кетгунича юрган, деб хабар берди «Корреспондент.net».
Қайд этилишича, Ҳиндистоннинг Тамилнад штати, Мадурай шаҳридан бўлган 31 ёшли эркак қиммат даволанишга қурби етмай, болалигидаёқ пайдо бўлган ўсимтани эътиборсиз қолдирган. Ўн йиллар давомида ўсимта оғирлиги беш килограммга етиб, ноқулайлик туғдира бошлаган.
Натижада эркак шифокорларга мурожаат қилишга мажбур бўлган. Жарроҳлар 16 май куни ўсимтани олиб ташлаш бўйича 10 соатлик операцияни ўтказган. Шифокорларнинг таъкидлашича, бу дунёдаги энг катта бош мия ўсимтаси.
Ҳозирги пайтда мижоз операциядан сўнг тикланмоқда ва ўзини яхши ҳис этмоқда. Унинг ҳаётига ҳеч қандай хавф йўқ.
Изоҳ (0)