Германия ҳукуматининг антисемитизмга қарши кураш бўйича вакили Феликс Кляйн яҳудийларга миллий бош кийимлари кипани жамоат жойларида кийиб юришни чеклашни таклиф қилди. Бу ҳақда Meduza хабар бермоқда.
«Яҳудийларга кипани исталган жой ва исталган вақтда кийиб юришларини маслаҳат бермайман. Бу мамлакатда антисемит кўринишга эга жиноятлар сони кўпайгани билан боғлиқ», — деди у журналистларга берган интервьюсида.
Маълумот учун, Германияда 2018 йили яҳудийларга нисбатан зўравонлик билан боғлиқ 62 та ҳолат қайд этилган. 2017 йилда бу кўрсаткич 37 тани ташкил этганди.
Изоҳ (0)