Бир неча кун ичида Австралия ҳудуди осмонидан иккита йирик метеорит учиб ўтди. Иккала осмон жисми ҳам самода ёрқин чақнашни ҳосил қилди, деб ёзади «Корреспондент.net».
Биринчи метеорит қитъанинг шимолий қисмидан 20 май куни учиб ўтди. Уни бир-биридан 500 км узоқликда жойлашган иккита турли шаҳар аҳолиси пайқаган.
Иккинчи йирик метеоритни эса 22 май куни кўришган. Австралиялик астроном Дэвид Финлининг сўзларига кўра, ушбу объектнинг диаметри тахминан Toyota Land Cruiser Prado йўлтанламаси ҳажмига тенг бўлиб, оғирлиги эса 20—40 тонна атрофида бўлган.
Хайрият, иккала осмон жисми ҳам ҳавода портлаган, уларнинг парчалари эса океан сувларига қулаган.
Изоҳ (0)