Ўрдакбурун ва панголин, албатта, ноодатий ҳайвон. Лекин улар кўпчиликка таниш. Айни пайтда эса табиатда яна шундай жонзотлар борки, одамларни лол қолдиради. Масалан, сўйлоқтишлари бор вовиллайдиган кичик буғу, нозик соқолли тўнғиз, катта қулоқли тулки — булар қуйидаги мақолада бериладиган ажойиботларнинг бир қисми холос. Ва охирида сиз юз минглаб йиллар кейин «қайта тирилган» қушни кўрасиз, дея ёзади AdMe.
Ербўри
Ер бўриси сиртлонлар оиласининг энг ёқимтой вакили. Бу ҳайвон ўлакса билан эмас, қирчумолилар билан озиқланади. Бошқа ҳайвонлар ташлаб кетган инларда яшайди. Шунингдек, ербўри умри давомида битта жуфт танлайди ва унга содиқ қолади.
Харза
Харза — сувсарларнинг энг йирик ва ёрқин вакили. Бу ҳаёвнлар узоқ умр кўради, чунки уларнинг душмани йўқ: йиртқичлар улар бадбўй ҳид чиқаргани учун қизиқмайди, одамлар эса чиройли бўлса ҳам ёқимсиз ва дағал теридан қочади. Уларга фақат ўрмонларни қисқартирилиши оқибатида яшаш жойидан маҳрум бўлиш хавф солиши мумкин. Ёш харзалар одамга тез ўрганади ва ширинликларни яхши кўради: нок, қуруқ мевалар, асал.
Петерс узундум кучукчаси
Петерс узундум кучукчаси сакроғич бўлади ва кучукчага умуман ўхшамайди. Исми билан уйғун ягона нарса — бу унинг итларга ўхшаб дарахтга чиқолмаслигидир. Бу ҳайвон ерда ин қуриб яшайди ва бир умр битта ҳудудда умр кечиради. Уни қўлга ўргатиб бўлмайди.
Катта қулоқли тулки
Катта қулоқли тулкининг 48 та тиши бўлади, лекин у тишлар жуда майда, тишлаши эса жонсиз. Бунга ҳайвоннинг эволюцияси ва рационини ўзгаритириш хоҳиши сабаб бўлган. Бошқа тулкилардан фарқи шундаки, у ҳашаротлар гўштини ва меваларни маъқул кўради. Шунинг учун узоқ йиллар давом этган бундай овқатланиш одати уларнинг тишларини майда ва нимжон қилиб қўйган.
Соқолли тўнғиз
Соқолли тўнғиз тана тузилишининг ўсувчанлиги ва нозиклиги билан бошқалардан фарқланади. Бу ҳайвон кундуз куни фаол. Соқолли тўнғизлар гуруҳ бўлиб яшайди. Ўзига хос жиҳатларидан бири — бу уларнинг кўчиб юришидир. Юзга яқин тўнғиз йиғилади-да, овқат излаб узоққа кетади. Улар деярли ҳамма нарсани ейди, жумладан, илдиз, ҳашаротлар, ўлаксалар. Шунингдек, улар маймунлар ерга улоқтирган меваларни тутиб олиш мақсадида уларни кузатиб туради.
Африка сиветаси
Африка сиветаси майда ҳайвонлар, ўлаксалар, илонлар ва ўсимликлар билан озиқланадиган йиртқич ҳайвон. Хавф пайтида юнгларини кўтариб, ҳажмини катталаштиради. Агар болалаигидан тарбияласа, уни қўлга ўргаца бўлади.
Қизил бўри
Қизил бўри денгиз сатҳидан 4 000 метр баландликка кўтарила оладиган ноёб тоғ жонивори. Йиртқич ёвоййи қўштуёқлилар билан озиқланади, аммо уй ҳайвонларига тегмайди. Бу ҳайвон «куйловчи тоғ бўриси» номи билан ҳам машҳур. Чунки ўзига хос тарзда овоз чиқаради, бу увиллашданам кўра ко′роқ куйлашга ўхшайди. Қизил бўри одамлардан қочади ва қўлга ўрганмайди.
Ҳинд мунтжаки
Ҳинд мунтжаки қалбан ит бўлган, ҳамма нарсани еяверадиган буғу. Йиртқич ҳайвонларни кўрганда вовиллаши ва тишлаб олиши мумкин. Эркак мунтжакнинг сўйлоқтишлари ва кичкина шохи бўлади. Бу шохлардан улар урғочи учун ва ҳудуд учун бўладиган жангда фойдаланади. Бу буғуларни жуфтига содиқ деб бўлмайди, улар харамларни маъқул кўради.
Пуду
Дунёдаги энг кичик буғулар Чилида яшайди. Лекин, афсуски, кичик гавдаси туфайли пуду копинча йиртқичлар ва браконерларнинг осон эришиладиган ўлжасига айланади. Буғу ўсимликлар билан озиқланади, лекин унинг севимли егулиги денгиз ўтлари ҳисобланади. Уни ейиш учун пуду тоғдан пастга тушиб, овчиларга нишон бўлиш эҳтимоли кучли.
Америка жайраси
Новдага қулай жойлашиб олган америка жайрасига қараб, тўлиқ ишонч билан «Баҳор! Ваниҳоят жайралар учиб келди» дейиш мумкин. Бу ҳайвонлар ҳақиқатан ҳам дарахтларда яшайди. Пастга фақат сув ичиш учун тушади. Оддий жайралардан кичик ҳажми ва калтароқ игналари билан ажралиб туради.
Какомисла
Какомислалар АҚШ, Мексика ва Марказий Америкада яшайди. Лекин тунги ҳаёт тарси ва фавқулодда эҳтиёткорлиги сабаб бу йиртқич яхши ўрганилмаган. Мушукларга хос одатига қарамай, какомислалар енотларга қариндош ҳисобланади. Бу ҳайвонларга қараш ёқимли, аммо уларни тинглаш ҳақида бундай деб бўлмайди: улар чиқарадиган товушдан соч оқариши мумкин.
Кювер чўпони
Кювер чўпони юз минг йил олдин тур сифатида йўқолиб кетган эди. Лекин итеративе эволуция сабаб бу қуш қайта «тирилди» — яъни ривожланиш даврида бу турга жуда ўхшаш қуш пайдо бўлди.
Изоҳ (0)