Uzinfocom’нинг устав капиталидаги давлат улуши UMS’га ўтказилади

Uzinfocom’нинг устав капиталидаги давлат улуши UMS’га ўтказилади, деб хабар берди Spot.

Президентнинг «Рақамли иқтисодиёт ва «Электрон ҳукумат» тизими инфратузилмаларини янада такомиллаштириш чора-тадбирлари тўгрисида»ги қарори эълон қилинди.

Қарорга мувофиқ, 2019−2021 йилларда «Universal Mobile Systems» МЧЖ (UMS)ни ривожлантириш концепцияси тасдиқланди.

«Рақамли ишонч» рақамли иқтисодиётни ривожлантириш жамғармаси маблағлари ҳисобидан «UZINFOCOM» давлат ахборот тизимини яратиш ва қўллаб-қувватлаш бўйича ягона индегратор МЧЖнинг устав капиталидаги давлат улуши камида 51%га оширилади.

Uzinfocom’нинг устав капиталидаги давлат улуши кейинчалик «Universal Mobile Systems» МЧЖга устав капиталини кўпайтириш ҳисобига ўтказилади.

UMS’га ахборот-коммуникация технологиялари соҳасидаги харидларнинг техник топшириқларини Электрон ҳукумат ва рақамли иқтисодиёт лойиҳаларини бошқариш маркази билан келишилган ҳолда амалга ошириш ҳуқуқи берилади.

Оператор 2022 йил 1 январга қадар зиммасига юклатилган вазифаларни бажариш учун олиб кириладиган, Ўзбекистонда ишлаб чиқарилмайдиган товарлар божхона тўловларидан озод этилди.

Шунингдек, телекоммуникация объектларини қуриш учун операторга ер участкаларини доимий фойдаланиш ҳуқуқи асосида бериш аукцион ўтказмасдан амалга оширилади.