«ТАСС» бош директорининг биринчи ўринбосари Михаил Гусман МГИМО битирувчиларининг V халқаро форумидаги чиқиши давомида Тошкентга «Фронт орти қаҳрамон шаҳри» номини беришни таклиф қилди. Бу ҳақда «Podrobno.uz» хабар бермоқда.
«Фашизм устидан ғалаба учун муҳим ҳисса қўшган қаҳрамон шаҳарлар бор. Аммо камида икки шаҳарга ‘Фронт орти қаҳрамон шаҳри’ номини бериш зарур деб ўйлайман. Бу Тошкент ва Боку. Улар бу номга муносиб», — деди Гусман.
Гусманнинг айтишича, уруш йиллари турли миллатга мансуб 1 миллиондан ортиқ киши Тошкент ва унинг атрофида жон сақлаган, 113 та госпиталь фаолият кўрсатган, юз минглаб аскар ва зобит бу ерда даволаниб, сафга қайтган.
Изоҳ (0)