Тошкентнинг Учтепа туманидаги «Ўткир», «Шарқ гули», «Истироҳат», «Жарбулоқ», «Зулфизар» маҳаллаларида коллектор-дренаж ишлари сифатли амалга оширилмагани, ариқ ва сув йўллари кўмиб юборилгани туфайли ёғингарчиликда кўчалар, уйлар сув остида қолмоқда. Бу ҳақда туман кенгаши депутати Нуриддин Зайнитдинов маълум қилган.
Депутатга кўра, бу муаммо барча даражадаги мутасаддиларга етказилган. Тегишли карорлар ва режалар қабул қилиб, дастурларга киритилган. Бу уларнинг шаблон гаплари.
«Казо-казолар келиб, ботмон-ботмон ваъдалар бериб кетган. Натижа йўқ. Халқ азобда, ҳар ёмғир ёғса юрагини ҳовучлаб ўтиради. Уй пойдеворини нураб кетмайдими, ертўлани сув босмайдими деб. Одамлар ёстиғигача сувга бўкмоқда», — дея таъкидлаган Нуриддин Зайнитдинов.
Изоҳ (0)