16 май куни Ўзбекистон Энергетика вазирлиги ва Франциянинг Assystem Engineeringand Operation Services S.A.S компанияси ўртасида энергетика соҳасида манфаатли техник ҳамкорлик олиб бориш юзасидан англашинув меморандуми имзоланди. Бу ҳақда вазирлик матбуот хизмати «Дарё»га хабар берди.
Бўлғуси ҳамкорликнинг устувор йўналишлари сифатида «Ўзенержиинжиниринг» қўшма корхонасини ташкил этиш, шунингдек, Ўзбекистоннинг атом дастури доирасида ҳамкорлик қилиш белгилаб олинди.
Томонлар юқорида таъкидланган соҳалардаги лойиҳаларни ишлаб чиқиш, лойиҳаларни бошқариш каби техникавий ҳамкорликнинг янги шаклларини рағбатлантиришни режалаштирмоқда.
Меморандум уч йилга мўлжалланган бўлиб, ўзаро ҳамкорлик доирасида ҳар йили узайтирилиши мумкин.
Изоҳ (0)