Хитойда Wikipedia тўлиқ блокланди. Бунга қадар интернет-энциклопедиянинг фақатгина хитой тилидаги версияси ишламаган бўлса, эндиликда уни бошқа барча тилларда ҳам ўқишнинг имкони йўқ, деб хабар беради «Вести.ru».
Фото: PC World
Хитойда бошқа кўплаб интернет-ресурслар, жумладан, Facebook, Instagram, WhatsApp ва Google ҳам блокланган.
2018 йилнинг бошида «ВКонтакте»дан чеклов олиб ташланган эди ва компания маҳаллий қонунчиликка тўғри келмайдиган материалларни мамлакат аҳолиси учун блоклаб қўйишга тайёрлигини билдирган.
2017 йилда Wikipedia Туркияда ҳам тақиқланган бўлиб, ҳукуматнинг фикрича, ресурс мамлакат обрўсини халқаро майдонда қоралаш бўйича ахборот кампаниянинг бир қисмига айланиб қолган.
Жорий йилда Wikipedia қисман Венесуэлада ҳам блокланган эди.
