Хитой халқ миллий озодлик армияси вакиллари 12—15 май кунлари Ўзбекистон Қуролли Кучлар академиясига ташриф буюриб, таълим жараёнлари билан танишди. Бу ҳақда Мудофаа вазирлиги матбуот хизмати хабар берди.
Ташриф давомида генерал-майор Суй Гуйжун бошчилигидаги делегация ҳарбий соҳага оид бир қатор масалалар бўйича тажриба алмашди. Жумладан, академия профессор-ўқитувчилари билан учрашди, офицер кадрларни тайёрлаш масаласини ўрганди, ҳарбий қисмлардаги жанговар тайёргарлик билан танишди.
Эслатиб ўтамиз, генерал-майор Азизбек Икромов бошчилигидаги ҳарбий делегация 2018 йилнинг октябрида Хитойга ташрифи давомида мамлакат Миллий мудофаа университети раҳбарияти билан учрашиб, олий ҳарбий таълим муассасалари ўртасида ҳамкорликни кучайтиришга келишиб олган эди.
Изоҳ (0)