Анжелина Жоли рол ижро этган «Малефисента 2» фильми трейлери эълон қилинди, деб хабар берди «Корреспондент.net». Ушбу фильм Disney эртагининг сиквелидир.
Сюжет асосини Малефисента ва бўлажак қиролича Авроранинг ўзаро муносабати ташкил этади. Унга «Кариб денгизи қароқчилари»нинг сўнгги қисмини суратга олган Хоаким Роннинг режиссёрлик қилган.
Фильмда Жолидан ташқари Эл Фаннинг, Мишель Пфайффер ва бошқа актёрлар суратга тушган.
Трейлер Disney’нинг расмий YouTube каналига жойлаштирилган бўлиб, фильм 17 октябрда катта экранларга чиқиши кутилмоқда.
Аввалроқ «Қасоскорлар. Интиҳо» фильми кассабоплиги бўйича рекорд ўрнатгани, режиссёр Жеймс Кэмерон бу фильм «Титаник»ни ортда қолдиргани билан табриклагани ҳақида хабар берилган эди.
Изоҳ (0)