Marvel компаниясининг «Қасоскорлар. Интиҳо» фильми кассабоплиги бўйича рекорд ўрнатди. Фильм премьераси ўтказилган кундан икки ҳафта давомида тўпланган маблағлар 2 миллиард доллардан ошди. Мутахассисларнинг фикрича, бу кўрсаткич янада ортиши мумкин.
«Қасоскорлар» фильмининг якуний қисми 25 апрель куни катта экранларда намойиш этилган. Дастлабки уч кундаёқ кассага миллиард доллар йиғилган бўлиб, тарихда кассабоплиги жиҳатидан энг муваффақиятли фильмлар қаторидан ўрин олди.
Дунё бўйича намойиш этилган ушбу фильм 11 кун давомида 2,189 миллиард доллар тўплаб рекорд даража қайд этди. Ҳозирда «Қасоскорлар. Интиҳо» фильми «Аватар» фильмидан сўнг иккинчи ўринда турибди. Таққослаш учун, Жеймс Кэмероннинг ушбу фильми 2,788 миллиард доллар тўплаганди.
Тошкентда ушбу фильм премьераси АҚШ билан бир ҳафта, Россия билан Қозоғистондан бир кунлик фарқ билан 29 апрелда ўтказилганди.
Изоҳ (0)