Шри-Ланка ҳукумати 21 апрелдаги терактлардан сўнг зўравонлик кучайгани сабабли бир қатор ижтимоий тармоқ ва мессенжерлар, жумладан, Facebook ва WhatsApp’ни блоклаб қўйди. Бу ҳақда Reuters агентлиги тарқатган маълумотга таяниб, «ТАСС» хабар берди.
Маълум бўлишича, Чилау шаҳрида бир неча ўнлаб одамлар масжид ва мусулмонларга тегишли дўконларни тошбўрон қилган. Бунга Facebook’да бошланган баҳс сабаб бўлган. Deutsche Welle’нинг қайд этишича, ушбу баҳс туфайли бир эркак калтакланган.
Эслатиб ўтамиз, 21 апрель куни Шри-Ланкадаги меҳмонхоналар ва саккизта черковда Пасха байрамини нишонлаш вақтида портлашлар юз берган эди. Оқибатда тахминан 250 киши ҳалок бўлган, 480 дан ортиқ одам жароҳат олган. Шундан сўнг ҳукумат ижтимоий тармоқлардан фойдаланишни вақтинчалик чеклаган эди.
Изоҳ (0)