Россиялик журналист, «Говорит Москва» радиостанцияси бош муҳаррири Сергей Доренко билан 12 май кунига белгиланган видолашув маросими қолдирилди. Бу ҳақда Meduza хабар бермоқда.
Ушбу радиога кўра, полиция қайта суд-тиббий экспертизаси ўтказиш зарурати туфайли журналистнинг бевасига жасадни беришдан бош тортган.
Бундай қарор Доренконинг қизлари Ксения ва Екатеринанинг баёнотлари туфайли қабул қилинган. Улар оталари заҳарланган бўлиши мумкинлигини тахмин қилмоқда.
9 май куни ҳаётдан кўз юмган журналист қачон кўмилиши ҳозирча номаълум. Қўшимча экспертиза тахминан бир ҳафта вақт олиши мумкинлиги билдирилмоқда.
Изоҳ (0)