Москванинг «Шереметьево» аэропортига қўниш чоғида аланга олган SSJ-100 самолётининг дум қисмидаги йўловчиларда тирик қолиш имконияти деярли бўлмаган. Бу ҳақда ҳуқуқ-тартибот идораларидаги манба маълум қилди, дея хабар беради «ТАСС».
«Cамолётнинг дум қисмидан топилган кўплаб жасадларнинг ҳолати шундан далолат бермоқда. Улар ҳатто камарни ечишга ҳам улгурмаган, креслоларида тутундан заҳарланиб ўлган. Кимлардир балки самолёт аэропортга қўнгандаги зарба чоғида ҳушини йўқотгандир. Барча қурбонларнинг ўлим сабаблари аниқланмоқда», — таъкидлаган манба.
Манбага кўра, самолётнинг дум қисмидаги жони омон қолган йўловчилар ҳаво кемаси қўнгунга қадар унинг олди қисмига ўтиб олган.
Изоҳ (0)