«Дружба» нефть қувурига Россиядан ифлосланган нефть келишидан Беларусь кўрган зарар юз миллионлаб долларни ташкил этади. Бу ҳақда мамлакат президенти Александр Лукашенко маълум қилди, дея хабар беради «ТАСС».
«Икки нефтни қайта ишлаш заводи, хусусан, Мозир заводи ифлосланган. Бу мамлакатга етказилган улкан зарар. Шундоқ ҳам Новополоцк заводи ярим, Мозир заводи учдан бир қувват билан ишлаётганди», — таъкидлади Лукашенко.
Лукашенко Россия президенти билан бу муаммони гаплашмагани, бироқ Путиннинг ўзи юз берган воқеа Москва ва Минскка зарар етказганини тан олганини билдирди.
«У бу зарарни қоплаш кераклигини яхши тушуниб турибди», — деди Беларусь президенти.
Изоҳ (0)