Манхэттендаги Patsy’s пиццерияси официанти, 27 яшар талаба Армандо Маркай столни йиғиштираётганда тоза конвертга кўзи тушди. Бу ҳақда «Корреспондент.net» хабар бермоқда.

Фото: Daily News

Конвертни очиб кўрган бўлажак шифокор унда 424 минг долларлик чекни топди. Топилма эгасини тополмагач, чекни пиццерия эгасига топширди. У эса нашр таҳририяти билан боғланиб, буни қолдирган кекса аёлни топишда ёрдам сўради.

Фото: Daily News

Чек 79 ёшли собиқ ижтимоий таъминот ходими бўлган аёлга тегишли бўлиб чиқди. У ошхонага келиб, овқатланганидан сўнг чойчақа қолдирмаган официантдан кечирим сўради ва пул таклиф қилди. Бироқ талаба суюнчини олишдан воз кечди.

Фото: Daily News