Россия президенти Владимир Путин мамлакатнинг интернет сегментини чеклаш тўғрисидаги қонунга имзо чекди. Ҳужжат ҳуқуқий ҳужжатлар порталига жойлаштирилди, деб хабар беради Meduza.
Мазкур қонун 2019 йилнинг 1 ноябридан кучга киради. Қонундан ўрин олган бир қатор қоидалар, жумладан, миллий домен номлари тизимига оид тартиблар 2021 йилдан амалга ўтади.
Россия Давлат думаси ушбу қонунни 16 апрелда, Федерация кенгаши эса 22 апрелда маъқуллаган эди.
Маълумотларга кўра, Россия интернет сегментини чеклаш тўғрисидаги қонун лойиҳасига овоз бериш жараёнлари нохолис ўтган. Спикер Вячеслав Володин ўша куни Москвада бўлмаган бўлса-да, унинг фамилияси овоз берганлар рўйхатида бўлган.
Изоҳ (0)