Николас Мадуро: Венесуэлада намойишчиларга қарши куч ишлатилса АҚШ мамлакатга ҳарбий тажовузини бошлайди

Венесуэлада намойишчиларга қарата куч ишлатилса, АҚШ бундан фойдаланиб, мамлакатга ҳарбий тажовузни бошлаган бўларди. Бу ҳақда президент Николас Мадуро маълум қилди, дея хабар беради «РИА Новости».

1 май кунига бағишланган митингда сўзга чиққан Мадуро давлат тўнтаришини амалга оширишга уринган мухолифатнинг мақсади венесуэлаликларнинг ўзаро қирғинбаротини келтириб чиқариш эканини билдирди.

«Улар бизни фуқаролар урушига олиб келмоқчи. Агар барча танклар, зирҳли машиналар ва махсус кучларни намойишчиларга йўналтирсак нима бўларди? Вашингтонда бу байрам қилиниб, Венесуэлани босиб олиш учун ҳарбий тажовуз бошланарди», — деди Мадуро.