Қатар пойтахти Доҳа шаҳрида 21—24 апрель кунлари енгил атлетика бўйича XXIII Осиё чемпионати иштирок этган Ўзбекистон терма жамоаси 26 апрель куни тонгда Тошкент халқаро аэропортида тантанали кутиб олинди. Бу ҳақда Мудофаа вазирлиги матбуот хизмати «Дарё»га маълум қилди.
Мамлакат шаънини ҳимоя қилган спортчилар қаторида Мудофаа вазирлиги спорт клуби аъзоси Руслан Қурбонов мазкур чемпионатда «Уч хатлаб сакраш» бўйича 16,93 метр натижани қайд этиб, рақиблари орасида тенгсиз эканини исботлади.
Лейтенант Надия Дусанова баландликка сакраш бўйича 1,90 метр натижа билан мутлақ ғолибликни қўлга киритди. Босқон улоқтириш баҳсларида эса Суҳроб Хўжаев 72,85 метр натижа билан 3-ўринга лойиқ топилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)