Таниқли япон актрисаси Маэда Ацуко Ўзбекистоннинг Япониядаги фахрий туризм элчиси этиб тайинланди. Актрисага «Ўзбекистон туризм элчиси» сертификатини топшириш маросими 23 апрель куни Токиода бўлиб ўтди, бу ҳақда Туризмни ривожлантириш давлат қўмитаси матбуот хизмати хабар қилади.
Япониялик етакчи ОАВ мазкур воқеани кенг ёритмоқда. Бу эса ўз навбатида япониялик потенциал сайёҳлар учун Ўзбекистон брендини туристик йўналишлардан бири сифатида танитишга хизмат қилади.
Маэда Ацуко — таниқли япон актрисаси ва хонандаси. 2005—2012 йилларда «АКБ48» гуруҳ таркибида фаолият олиб борган, ҳозирги вақтда яккахон тарзда ижод қилади. Маэда илк бора кинода 2007 йил режиссёр Ичикави Жуннинг «Ўзликни топиш» фильмида суратга тушган. У 2001 йилда суратга олинган «Мислсиз Жаннат» сериалидаги Асия Мидзуки роли орқали машҳурликка эришган.
Изоҳ (0)