18 апрель, пайшанба куни футбол бўйича Европа Лигаси 1/4 финалининг жавоб ўйинлари бўлиб ўтди.
Карло Анчелотти қўл остидаги «Наполи» клуби ўз майдонида Унаи Эмери бошқарувидаги Лондоннинг «Арсенал» клуби билан жанг қилди.
Беллашувнинг 36-дақиқасида «тўпчилар» ҳужумчиси Александр Ляказетт томонидан урилган гол лондонликларга ғалаба келтирди (1:0). «Арсенал» жамоаси «Наполи»ни икки ўйин натижасига кўра 3:0 ҳисобида мағлубиятга учратди ва мусобақанинг ярим финали йўлланмасини қўлга киритди.
Шу куни Лондоннинг бошқа бир жамоаси «Челси» ўз уйида Чехиянинг «Славия Прага» клубини синовдан ўтказди.
Учрашувнинг 5-дақиқасидаёқ Лондон клуби ҳужумчиси Педро Родригес ҳисобни очган бўлса, 9-дақиқага келиб меҳмон жамоа аъзоси Симон Дели ўз дарвозасини ишғол қилиб қўйди (2:0). 17-дақиқада франциялик футболчи Оливье Жиру жамоасининг 3-голига муаллифлик қилди (3:0). 26-дақиқада эса прагаликлар ярим ҳимоячиси Томаш Соучек ҳисобни қисқартирди (3:1). Орадан бир дақиқа ўтиб Педро Родригес дублга эришди (4:1).
2-бўлимнинг 51 ва 54-дақиқаларида меҳмон жамоа ҳужумчиси Пётр Шевчик дублга эришди (4:3). Шу тариқа «аристократлар» ўз уйида кечган баҳсда Праганинг «Славия» жамоасини базўр ютди. Икки ойин натижасига кўра лондонликлар Прага клуби устидан 5:3 ҳисобида ғалаба қозонди ва мусобақанинг ярим финалига чиқди.
Эндиликда «Челси» Европа Лигасининг ярим финалида «Айнтрахт» билан, «Арсенал» эса «Валенсия» билан мусобақа финали учун кураш олиб боради. Дастлабки ўйинлар 2 май санасида, жавоб беллашувлари эса 9 май куни бўлиб ўтиши белгиланган.
Европа Лигаси
1/4 финал баҳслари
18 апрель, пайшанба
«Наполи»—«Арсенал» 0:1 (0:2)
Гол: 0:1 — 36 Ляказетт«Валенсия»—«Вильярреал» 2:0 (3:1)
Голлар: 1:0 — 13 Лато, 2:0 — 54 Парехо«Айнтрахт Ф»—«Бенфика» 2:0 (2:4)
Голлар: 1:0 — 36 Костич, 2:0 — 67 Роде«Челси»—«Славия Прага» 4:3 (1:0)
Голлар: 1:0 — 5 Педро, 2:0 — 9, автогол, Дели, 3:0 — 17 Жиру, 3:1 — Соучек, 4:1 — 27 Педро, 4:2 — 51Cҳевчик, 4:3 — 54 ШевчикЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)