14 апрель, якшанба куни футбол бўйича Россия премьер лигасининг 23-турида «Ростов» жамоаси ўз майдонида «Спартак»ни қабул қилди.
Учрашувда ҳисоб 13-дақиқада мезбон жамоа вакили Александр Гацкан томонидан очилди. 27-дақиқада эса москваликлар футболчиси Роман Зобнин ҳисобни тенглаштирди (1:1).
Иккинчи бўлимнинг 63-дақиқасида Алексей Ионов ўрнига Ўзбекистон терма жамоаси ҳужумчиси Элдор Шомуродов майдонга туширилди. 80-дақиқада эса айнан Шомуродов «Ростов»га ғалаба келтирган голга муаллифлик қилди (2:1).
Мазкур натижадан сўнг «Ростов» очколари сонини 35 тага етказиб олди. Жамоа айни дамда мусобақа жадвалида 6-ўринда бормоқда.
Россия чемпионати
23-тур баҳси
14 апрель, якшанба
«Ростов»—«Спартак» 2:1
Голлар: 1:0 — 13 Гацкан, 1:1 — 27 Зобнин, 2:1 — 80 Шомуродов.«Ростов»: Песяков, Чернов, Логашов, Сигурдссон, Паршивлюк, Еременко, Гацкан, Попов (Сигурдарсон, 78), Normaнн, Ионов (Шомуродов, 63), Глебов (Зуев, 77).
«Спартак»: Максименко, Боккетти, Жиго, Рассказов, Айртон, Глушаков (Фернандо, 81), Зобнин, Мелгарехо (Ломовицкий, 73), Мелкадзе, Луис Адриано, Зе Луиш (Ханни, 38).
Огоҳлантиришлар: Паршивлюк (28), Глебов (45), Логашов (56), Еременко (61), Боккетти (64), Мелкадзе (77).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)