16 апрель, сешанба куни футбол бўйича Европа Чемпионлар Лигаси 1/4 финали жавоб ўйинлари доирасида «Барселона»—«Манчестер Юнайтед» баҳси якунига етди.
Учрашувда ҳисоб 16-дақиқада Лео Месси томонидан очилди. Лео «Юнайтед» ҳимоячилар хатосидан унумли фойдаланиб, чиройли гол муаллифига айланди. 20-дақиқа келиб Лео жарима майдончаси ташқарисидан кучсизроқ зарба йўллади, бироқ Давид де Хеа қўпол хатога йўл қўйди. Ҳисоб — 2:0. Мезбонлар фойдасига. Иккинчи бўлимнинг 61-дақиқасида Филиппе Коутиньо узоқ масофадан ажойиб зарба йўллаб, ҳисобни йирик кўринишга келтирди.
Шу тариқа «Барселона» икки ўйин натижасига кўра, «Манчестер Юнайтед»ни 4:0 ҳисобида мағлуб этиб, ярим финал йўлланмасини қўлга киритди. Каталонияликлар ярим финалда «Ливерпуль»—«Порту» жуфтлиги ғолиби билан куч синашади.
ЕЧЛ
1/4 финал баҳси
16 апрель, сешанба
«Барселона»—«Манчестер Юнайтед» 3:0
Голлар: 1:0 – 16 Месси, 2:0 – 20 Месси, 3:0 – 61 Коутиньо.«Барселона» – тер Стеген, Пике, Алба, Серджи Роберто (Нельсон Семеду, 71), Лангле, Ракитич, Бускетс, Артур (Видаль, 75), Коутино (Дембеле, 81), Месси, Суарес.
«Манчестер Юнайтед» – Де Хеа, Смоллинг, Янг, Джонс, Линделёф, Лингард (Санчес, 80), Фред, Погба, Мактомини, Марсиал (Диогу Далот, 65), Рэшфорд (Лукаку, 73).
Огоҳлантириш: Суарес (77).
Биринчи беллашув — 1:0. Умумий ҳисоб — 4:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)