Twitter асосчиси Жек Дорси биринчи марта иш ҳақи олди

Twitter асосчиларидан бири Жек Дорси тўрт йил аввал ижрочи директор лавозимига қайтганидан бери биринчи марта иш ҳақи олди, деб ёзади Forum Daily.

Хабарда айтилишича, унинг иш ҳақида бир йил учун 140 сентни ташкил этган.

Компания норматив ҳужжатларига мувофиқ 8 апрель куни эълон қилинган бундай ишониш қийин бўлган камтарона иш ҳақи сервис яратилганидан бери битта тwит учун рухсат берилган белгилар сонига тенг.

2017 йили компания кўпроқ фойдаланувчиларни жалб этиш мақсадида бундай чекловни бекор қилган. Бу вақтда Дорси Twitter акцияларидан бонуслар ёки фоизлар олмасликка қарор қилган. У бундай қарорни Twitter’нинг узоқ муддатли қадриятларини яратишда ишонч ва садоқат белгиси сифатида изоҳлаган.

Twitter’да 140 та белгигача чеклов ўтмишдаги технологик давр қолдиғи бўлиб, сервис ишга туширилган 2006 йилда телефонларда шунча белги сиғар ва ҳали смартфонлар оммавий ишлаб чиқарилмаган эди.

2017 йилда бу чеклов 280 гача узайтирилган. Бироқ бу Дорсининг иш ҳақига таъсир қиладими-йўқми номаълум.

«Лекин 42 ёшли Жек Дорсини бу ташвишга солмайди. Википедия маълумотларига кўра, Forbes журнали рейтингида унинг даромади 2019 йилда 5,1 миллиард долларга баҳолагани қайд этилган», — дейилади хабарда.