Европа Иттифоқининг Марказий Осиё бўйича махсус вакили П.Буриан бошчилигидаги делегация ва Глобал яшил ўсиш институти бош директори ўринбосари Х.Ким Орол денгизи ҳудудига ташриф буюрди. Бу ҳақда Инвестициялар ва ташқи савдо вазирлиги матбуот хизмати хабар берди.
Ташриф доирасида Ўзбекистон билан ЕИ ўртасидаги муносабатларни ривожлантириш, Инсон хавфсизлиги бўйича кўп томонлама шериклик асосида траст фонди (КTШTФ) доирасида ҳамкорликни мустаҳкамлаш масалалари муҳокама қилинган.
Хабарда айтилишича, Халқаро ҳамкорлик ва ривожланиш бош бошқармаси (DEVCO) 2021—2027 йилларда ўз эътиборини ЕИ бюджетидан Оролбўйи учун маблағ ажратишга қаратади. Бундан ташқари, Европа Иттифоқи Оролнинг қуриши оқибатларини бартараф этиш учун аралаш молиялаш механизмини амалга ошириш учун грант маблағларини ажратишни ўрганмоқда.
Йиғилиш якунида Ўзбекистон томони таклифи билан БМТнинг Яшил иқлим фондидан (ЯИФ) маблағ жалб қилиш борасида лойиҳавий ҳужжатларни тайёрлаш бўйича келишувга эришилган.
Изоҳ (0)