Lenovo 6,2 дюймли дисплей ва уч камерали ҳамёнбоп смартфонни тақдим этди

Lenovo ўзининг янги ҳамёнбоп смартфони — К6 Enjoy’ни тақдим этди. Бу ҳақда Spot хабар берди.

Lenovo К6 Enjoy қора ва кўк рангда сотувга чиқарилди. Нархи 200 доллар атрофида.

Қурилмада томчисимон «ўйиқли» 6,22-дюймли IPS-дисплей ўрнатилган ва у саккиз ядроли MediaTek Helio P22 процессори ва Android 9 Pie’да ишлайди. Оператив хотира ҳажми 4 ГБ, ички хотира эса 128 ГБ. Шунингдек, microSD хотира картаси учун махсус жой ҳам мавжуд.

Lenovo К6 автономлиги учун тезкор зарядлаш ва USB-C портига эга бўлган 3300 mAh қувватли батарея жавоб беради.

Смартфондаги асосий камера учталик — 12 Мп+ 8 Мп+ 5 Мп. Олд камера кенг бурчакли 8 Мп.

Қурилмада шунингдек, бармоқ излари сканери ва қулоқчинлар учун жой мавжуд.