Болаликда ўқилган фантастик китоблар ёхуд 2018 йилнинг 10 та кашфиёти (фото)

Бугунги кунга келиб технология ўз чегарасига етиб борган ва бошқа ҳеч қандай янги кашфиётлар қилинмайдигандек туюлади. Бироқ ихтирочилар бундай фикрда эмас ва турмушимизни енгиллаштириштирувчи янгидан янги гаджетлар билан ҳайрон қолдиришдан тўхтамаяпти.

AdMe техника борасидаги шундай кашфиётлардан 10 тасини тақдим этди.

1. Рекламадан ҳимоя қилувчи кўзойнак

Аксарият одамлар рекламани ёқтирмайди. Ҳақиқатан ҳам, шаҳар кўчаларида жуда кўп реклама баннерларига дуч келамиз, севимли сериалимиз орасида ҳам реклама берилганидан баъзан улардан қочиб қутулиб бўлмайди.

Шу сабабли Иван Кеш ва Скотт Блю фильтрлаш принципи асосида ишловчи махсус IRL Glasses кўзойнагини яратди. Унинг линзаларига махсус қоплама ўрнатилган бўлиб, нафақат ультрабинафша нурдан ҳимоя қилади, балки экранлардан таралувчи нурни хам блоклайди.

IRL Glasses смартфон дисплейи ва OLED-матрицаларидан ташқари барча турдаги дисплейлардан ҳимоя қилади, бироқ ишлаб чиқарувчилар буни тузатишга ваъда берган. Ушбу сеҳрли кўзойнак 2019 йилнинг апрель ойида савдога чиқарилади. Нархи эса 49 долларни ташкил этади.

2. Керакли буюмни йўқотмасликка ёрдам берувчи қурилма

Бирор нарсани йўқотишдан ҳеч ким суғурталанмаган. Энди эса калит, ҳамён, багаж ва бошқа қимматли нарсалар ишончли ҳимоя остида бўлади. Tile Mate қурилмаси сигнал чалиб нарсаларни қолдириб кетишга ёки йўқотишга имкон бермайди. Бу портатив Bluetooth-датчик бўлиб, уни исталган нарсага бириктириб қўйиш мумкин.

Қурилма Bluetooth орқали смартфон ёки планшетга уланади. Maxсус дастур унга боғланган нарсаларнинг ҳолатини назорат қилади ва кўрсатади (ёқилган/ўчирилган). Брелок алоқада бўлганда уни дастурдаги тугмани босиб, буюмдан чиққан мусиқа овози ёрдамида топиб олиш мумкин. Қурилма аллақачон савдога чиқарилган.

3. Рассом робот

Scribit — интерьерни безатишда фойдаланиладиган робот. У вертикал деворларни ярим автомат режимда бўяйди. У унча катта бўлмаган металл платформадан иборат бўлиб, иккита тросда оддий ромга ёки деворнинг ўзига осиб қўйилади. Қурилма трослар ёрдамида ҳаракатланиб, девор юзаси бўйлаб сурат чизади. Унда турли рангдаги тўртта маркер ва ўчирғич бор.

Робот смартфонга ўрнатилган махсус дастур ёрдамида ишлайди. Унда чизиладиган сурат траекторияси белгиланади. Фойдаланувчи нимани чизиш кераклигини ва чизиш чегарасидан чиқиб кетмаслиги учун «холст»нинг масштабини белгилаб олиши керак. Ҳозирча қурилма савдога чиқарилмаган. У 2019 йилнинг 26 апрель куни Миланда бўлиб ўтадиган Salone del Mobile кўргазмасида намойиш этилади.

4. Назорат браслетлари

Myo Armband — назорат қилувчи браслет бўлиб, дастчикни бир жойда ушлаб турувчи резина шнурлардан иборат. У мушак импулсини ҳисоблайди ва сиз амалга оширмасингиздан аввал бажармоқчи бўлган ҳаракатларингизни аниқлайди.

Қурилма тўрт турдаги ҳаракатларни кузатади.

5. Фитнес режимни назорат қилувчи ойна.

Mirror — интерактив фитнес мураббий вазифасини бажарувчи девор экрани. У фойдаланувчиларга машқларни реал вақтда кўрсатиш ва шу вақтнинг ўзида тренердан жавоб олиш имконини беради. Бу қурилма спорт билан фитнес залга қатнамасдан, исталган вақтда уйда шуғулланиш имконини беради.

6. Ақлли ҳовли

SproutsIO — илдизмевалар, кўкатлар ва мевалар етиштириш учун қулай шароит яратувчи интеллектуал боғ.

Қурилмадаги дастур ёрдамида сув, озуқа моддалари ва ёруғликни автоматик равишда керакли миқдорда танлайдиган созламаларни ўрнатиш мумкин.

Шунингдек, дастур меванинг ширинлик даражасини ўзгартириш имконини беради.

Қурилма очиқ ҳаводаги анъанавий боғларга керак бўладиган сувнинг атиги икки фоизини истеъмол қилади, лекин шу билан бирга, ўсимликлар ўсишини уч баравар тезлаштиради.

7. Парваришлашга ёрдам берувчи ойна

Care OS – махсус ойна бўлиб, тери парвариши борасида маслаҳатлар бериш учун юзни таниб олиш ва имо-ишоралардан фойдаланилади. У, шунингдек, мусиқа қўйиш ва селфи тушиш имконини ҳам беради. Кашфиётнинг асоси камера бўлиб, фойдаланувчининг тери ҳолатини таҳлили қилиб, уни намлантириш ва ультрабинафша нурлардан ҳимоя қилиш борасида тавсиялар беради.

8. Фильтр ниқоб

Breaze ниқоби кундалик ҳаётда соғлиққа зарар етказувчи майда зарралардан тортиб бактерияларгача фильтрлайди. Катта шаҳарлар ва мегаполисларда яшовчи ва ўз соғлиғи ҳақида қайғурувчи одамларга айни муддао.

9. Букланувчан телевизор

LG компаниясининг OLED-телевизори жуда ингичка бўлиб,вазни тахминан икки килограмм келади. У магнит таглик ёрдамида деворга ёпиштирилади. Бундай экран рангларни тиниқ кўрсатади ва бошқа суюқ кристалли телевизорларга нисбатан энергияни анча тежайди.

10. Ақлли эшик қулфи

August Smart Lock — ақлли қулф бўлиб, кўча эшигини Bluetooth орқали мобил дастури ёрдамида бошқариш имконини беради. Дастур блоклаш жараёнини кузатиб, эшик ёпилганига ишонч ҳосил қилиш га ёрдам беради. Шунингдек, дастур ёрдамида масофадан турган ҳолда яқин инсонлар ва дўстларга эшикни очиш ҳам мумкин. Қурилма аллақачон савдога чиқарилган.