Турли ижтимоий тармоқлар ва интернет сайтларида томонидан Муҳаммадбобур Хўжаев томонидан Мирзо Улуғбек тумани ҳудудида қурилаётган турар-жой биноси шаҳар ҳокими Жаҳонгир Ортиқхўжаев назоратида бузиб ташлангани ҳақида хабарлар чоп этилган эди. Бугун, 5 апрель куни Тошкент шаҳар ҳокимлигида ушбу масала юзасидан матбуот анжумани бўлиб ўтди. Бу ҳақда «Дарё» мухбири хабар берди.
Матбуот анжуманида Муҳаммадбобур Хўжаев томонидан қурилган уйларни сотиб олган фуқаролар, кенг жамоатчилик вакиллари ва ОАВ ходимлари иштирок этди.
Тадбиркорнинг даъволари нечоғли ҳаққоний экани ва у томонидан қурилган уйларнинг ҳолати қандай эканлигини холис ўрганиш учун Тошкент шаҳар ҳокимлиги матбуот хизмати ходимларини ҳам бу ишга жалб этди. Улар Муҳаммадбобур Хўжаев томонидан қуриб, фойдаланишга топширилган кўп қаватли турар жойларда бўлиб, у ерда истиқомат қилаётган аҳоли билан суҳбатлашди.
Уйларда ёнғин хавфсизлиги меъёрларига умуман риоя этилмаган, ёмғир суви кетадиган ариғ-у қудуқлар ҳам йўқ. Уйларда деворнинг ўрнига гипсокартондан фойдаланилган. Уйлар пойдеворсиз қад ростлагани учун хонадон полидан ўтлар ўсиб чиққан.
Тошкент шаҳар ҳокимлиги вакилларининг маълум қилишича, ҳозирда ушбу уйларни қураётган шахслар устидан суд жараёни бўлиб ўтмоқда. Уларга қарши даъво аризаси ҳокимият томонидан 2018 йилнинг ноябрь ойида берилган.
Талабга жавоб бермайдиган уйда яшаётган фуқаролар эса сифатли уйларга кўчирилади. Ҳозирда ҳокимият томонидан ҳудудда кўп қаватли турар жой қуриш учун инвестор изланмоқда.
Изоҳ (0)