5 апрелнинг эътиборга молик янгиликлари — «Дарё» дайжестида.
Самарқанднинг Ургут туманида ёғган дўл машиналар ва уйларга зарар етказди.
Шунингдек, 5 апрель куни тонгда Самарқанд вилоятининг тоғли туманларида кучли сел келди. Жумладан, Ургут, Булунғур, Қўшработ, Иштихон туманларида сойлар тўлиб сув оққан.
Қашқадарёда ёққан кучли ёмғир ва дўл эса қишлоқ йўлларини вайрон қилди.
***
31 март куни Бухоро Давлат университети Тарихий ва маданий мерос факультети тарих таълими йўналиши, 4-босқич талабаси Д.Б. ўзини осиб қўйган.
1996 йилда Ғиждувон туманида туғилган талаба қиз Бухоро шаҳридаги акасининг уйида ўзини осган.
***
Ўзбекистонда ҳайдовчилик гувоҳномасини алмаштириш тартиби соддалаштирилди.
Ўзбекистонда ҳайдовчилар қаерда рўйхатдан ўтганидан қатъи назар 2019 йил 1 апрелдан ҳайдовчилик гувоҳномаларини Давлат хизматлари марказларида алмаштириши мумкин.
***
Ҳуқуқбузарликлар профилактикаси инспектори: «Афросиёб» поезди ойнасини синдирган шахс 2 минг доллар зарар етказади.
Ички ишлар вазирлиги Транспортда хавфсизликни таъминлаш бош бошқармаси ва «Ўзбекистон темир йўллари» томонидан ўтказилган «Темир йўлларда хавфсиз кун» тарғибот тадбирида «Афросиёб» тезюрар поездини бир дона ойнаси 2 минг долларга тенг экани айтилди.
***
Ўзбекистонда 5 кун ичида 258 нафар фоҳиша қўлга олинди.
Ўзбекистонда ўтказилган ушбу рейдлар давомида фоҳишабозлик, қўшмачилик ва болалар савдоси каби ҳолатлар аниқланган. Хусусан, тунги клублар, меҳмонхоналар ва сауналарда уюштирилган 2 861 та рейд давомида 258 нафар енгилтабиат аёл қўлга олинган. Улар билан профилактик суҳбатлар ўтказилган. 87 нафар қонунбузарга нисбатан маъмурий жазо қўлланилган.
Изоҳ (0)