«Манчестер Юнайтед» бош мураббийи Оле-Гуннар Сульшер янги мавсум олдидан жамоага 5 нафар янги ўйинчини таклиф қилишни режалаштирмоқда, деб хабар берди The Telegraph.
Норвегиялик ўнг ва марказий ярим ҳимоя чизиғини кучайтириш ниятида, бундан ташқари универсал ҳужумчи сотиб олмоқчи.
Агарда шартнома муддати тугаётган Хуан Мата ва Андер Эррера «Олд Траффорд»ни тарк этадиган бўлса, Сульшер ярим ҳимоя чизиғига янги ўйинчиларни таклиф қилишни кўзда тутган.
«Юнайтед»нинг шорт-листидан «Боруссия» ҳужумкор ярим ҳимоячиси Жейдон Санчо ва «Кристал Пэлас» ҳимоячиси Аарон Уан-Биссака ўрин эгаллаган. Бундан ташқари клуб академиядан бир неча футболчиларни жалб қилиш режалаштирилган.
Сульшер «Манчестер Юнайтед» собиқ бош мураббийи сер Алекс Фергюсон давридаги каби жамоани Британия футболчиларидан шакллантиришни кўзда тутган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)