France Football нашри 2018/19 йилг мавсум бўйича дунёнинг энг кўп ҳақ тўланадиган футболчилари номини эълон қилди.
Рейтингни тузишда маош, бонус ва бошқа даромадлар ҳам ҳисобга олинган.
Рейтингнинг биринчи поғонасини ойига 7 миллион, йилига бўлса, 130 миллион евро топадиган «Барселона» ҳужумчиси Лионель Месси банд этган.
Иккинчи ўринни эса, унинг азалий рақиби Криштиану Роналду эгаллаган. «Ювентус» юлдузининг йиллик даромади 113 миллион евро сифатида қайд этилган.
Кучли учликни ПСЖ ҳужумчиси Неймар 91,5 миллион евро билан якунлаб берган. Кучли бешликдан, шунингдек, Антуан Гризманн («Атлетико Мадрид», 44 миллион евро) ва Гарет Бэйл («Реал», 40,2 миллион евро) ҳам ўрин эгаллаган.
Маълумот учун, мазкур маблағлар солиқ тўловларигача бўлган ҳолатда тақдим этилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)