31 март, якшанба куни футбол бўйича Ўзбекистон Суперлигасининг 2-туридан ўрин олган «Бунёдкор»—«Пахтакор» беллашуви якунига етди.
Учрашувда ҳисобни «қалдирғочлар»нинг собиқ ўйинчиси Достонбек Ҳамдамов 17-дақиқада очди. 35-дақиқага келиб Вадим Абрамов шогирдлари ҳисобни тенглаштирди. Гол Миржаҳон Мираҳмадов ҳисобига ёзилди. Ўйиндаги сўнгги гол 53-дақиқада Жалолиддин Машариповнинг узатмасидан сўнг Драган Черан томонидан киритилди.
Шу тариқа «Пахтакор» кетма-кет иккита дерби учрашувида ғалаба қозонди. «Шерлар» 1-турда «Локомотив»ни ҳам мағлуб этганди.
Суперлига
2-тур баҳси
31 март, якшанба
«Бунёдкор»—«Пахтакор» 1:2
Голлар: 0:1 — 17 Достонбек Ҳамдамов, 1:1 — 35 Миржаҳон Мираҳмадов, 1:2 — 53 Драган Черан.«Бунёдкор»: Муроджон Зуҳуров, Ислом Қобилов, Анвар Ғофуров, Дилшод Аҳмадалиев, Жасур Жалолиддинов (Сардор Азимов, 78), Хуршид Ғиёсов, Жавоҳир Қаҳрамонов (Санжар Рихсибоев, 61), Миржаҳон Мираҳмадов, Нурилло Тўхтасинов, Санжар Қодирқулов, Абдулла Абдуллаев (Суҳроб Иззатов, 43).
«Пахтакор»: Санжар Қувватов, Хожиакбар Алижонов, Егор Кримец (с), Владимир Козак, Фарруҳ Сайфиев, Садриддин Абдуллаев (Сардор Собирхўжаев, 46), Одилжон Ҳамробеков, Жалолиддин Машарипов, Драган Черан, Достонбек Ҳамдамов, Марат Бикмаев (Жавоҳир Сидиқов, 60).
Огоҳлантиришлар: Санжар Қодирқулов 4, Егор Кримец 82.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)