29 март, жума куни футбол бўйича Ўзбекистон Суперлигасининг 2-тур баҳсларига старт берилди.
Дастлабки турда ўз майдонида «Бухоро» билан дуранг ўйнаган (0:0) Олмалиқнинг ОКМК жамоаси сафарда «Қизилқум» билан баҳсга киришди.
Учрашувнинг 1-дақиқасидаёқ Навоий клубининг 20 ёшли никарагуалик ўйинчиси Медина Смит ҳисобни очган бўлса, меҳмон жамоа аъзоси Дилшод Жўраев 11 метрлик жарима зарбасидан гол уриб ҳисобни тенглаштирди (1:1).
2-бўлимнинг 51 ҳамда 69-дақиқаларида «Қизилқум»нинг грузиялик ярим ҳимоячиси Элгужа Григалашвили олмалиқликлар дарвозасини икки бор ишғол қилди ва дублга эришди (3:1).
Шу тариқа Миржалол Қосимов шогирдлари меҳмонда кечган баҳсда «Қизилқум»га 1:3 ҳисобида мағлубиятга учради ва очко йўқотди.
Суперлига
2-тур баҳслари
29 март, жума
«Қизилқум»—ОКМК 3:1
Голлар: 1:0 — 1 Медина Смит, 1:1 — 44, пенальти, Дилшод Жўраев, 2:1 — 51 Элгужа Григалашвили, 3:1 — 69 Элгужа Григалашвили«Қизилқум»: Евгений Черемисин, Эркин Бойдуллаев, Алишер Саноев, Файзулло Қамбаров, Салим Мустафоев, Элдор Бойматов, Миржалол Қосимов (Хуршиджон Олимов, 46), Мухсин Убайдуллаев, Шерали Жўраев (Мақсуд Каримов, 83), Элгужа Григалашвили, Медина Смит (Мурод Бобожонов, 87).
ОКМК: Суҳроб Султонов, Миржамол Қосимов, Дилшод Жўраев, Жасур Ҳакимов, Мурод Тошматов (Зоҳир Пиримов, 61), Расул Йўлдошев (Санъат Шихов, 68), Жасур Ҳасанов (Зафар Полвонов, 73), Мирғиёс Сулаймонов, Миролюб Костич, Сайдулло Раҳматов, Бобур Йўлдошев.
Огоҳлантиришлар: Эркин Бойдуллаев (19), Расул Йўлдошев (22), Мирғиёс Сулаймонов (64)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)