Самарқандда жисмоний ва юридик шахслар мурожаатлари билан ишлашда қўпол хатоликларга йўл қўйганлиги, ижро интизомини сусайтириб юборганлиги учун 2018 йил июль—декабрь ойларида 247 ҳолатда ҳамда 2019 йилнинг 20 март санасига қадар 39 ҳолатда раҳбарлар ва масъул ижрочиларга нисбатан турли даражадаги жазо чоралари қўлланди. Бу ҳақда вилоят ҳокимлиги ахборот хизматига таяниб, Zarnews хабар бермоқда.
Жумладан, раҳбар кадрлар ва масъул ижрочиларга 152 ҳолатда расмий огоҳлантириш, 81 ҳолатда «ҳайфсан» интизомий жазоси берилиб, 13 ҳолатда ойлик иш ҳақидан 30 фоизгача жарима тўлаш тартибида интизомий жазо чоралари кўрилди. 17 ҳолатда ижро учун масъул этиб белгиланганлар эгаллаб турган вазифасидан озод этилди.
Шунингдек, 23 ҳолатда раҳбар кадрлар ва масъул ижрочиларнинг маъмурий жавобгарлик масаласи тегишли идоралар томонидан кўриб чиқилди.
Изоҳ (0)